最近几集《隐门》
剧情有反转~
女主张心月人设大反转
佢居然有份害老公
男主庄子乔呢边仲撞鬼
见完阿妈先知
佢係贼王叶啸天个仔
而且，
庄子乔嘅两个老逗
仲要两个都唔係好人
一个帮手抢劫
一个又私藏赃款
而叶啸天另一个仔张逸风
开始扮埋卧底
边同叶啸天合作边收集证据
唔知乖细佬谂住搞边科?
近排，
饰演张逸风嘅阮浩棕
喺上综艺节目嘅时候
仲叫观众估下
“佢会唔会乖到最后”
吊起晒观众嘅戏瘾
唔知大家记唔记得呢位
靓仔小生——阮浩棕
佢仲係《隐形战队》里边嘅
变态二世祖“铿少”
啱啱喺《隐形战队》演完变态
嚟到《隐门》又要黑化？
讲到“铿少”呢个角色
阮浩棕直言角色嘅性格
同佢本人相差好大
佢係通过不断揣摩
先有咗大家睇到嘅炸裂演技
亦成为佢“最有记忆点嘅角色”
受到观众嘅赞赏
呢次喺《隐门》
佢第一次有咗咁多戏份
唔单止同黄智雯做“张家姐弟”
仲可以同老前辈吴岱融对戏
今次可以演吴岱融个仔（张逸风）
阮浩棕讲起都好激动
话拍戏时要打醒十二分精神
时刻等住同前辈“过招”
而为咗在戏中有更好表现
佢演戏嘅时候都好搏嘅
例如喺之前嗰场飙车戏中
为咗尽量逼真
佢仲特登去学车
喺《隐门》演嘅张逸风，係暖男
喺《隐形战队》演嘅铿少，係变态
两个性格迥异嘅角色
演技都得到网友称赞：
“唔同角色唔同feel”
可能好多人唔知
阮浩棕原来係“星三代”
佢嘅嫲嫲就係
饰演“上等人”嘅梁舜燕
爸爸阮惠源则係前亚视监制
虽然出身演艺世家
但佢嘅星途亦唔算顺风顺水
阮浩棕喺香港科技大学毕业
係通过无线训练班进入演艺行业
但到目前嚟睇
佢演出嘅角色都唔算好起眼
前两年
佢都试过北上发展
拍咗几部戏但都冇咩水花
直到翻嚟TVB
先有机会参演
热播剧中嘅重要角色
渐渐被观众关注到
而近排有传筹拍嘅
TVB新法证剧《死有对证》
佢都有入到演员名单嘎
演戏用心、颜值又唔错
有网友估今年TVB嘅
“飞跃进步男演员”
可能佢有份
希望佢争取多啲演出机会
喺演戏方面有更大发挥啦
